မြန်မာနိုင်ငံ၏ လူ့အခွင့်အရေး ပြဿနာများကို ဖြေရှင်းရေးအတွက် အစိုးရအနေဖြင့် ပိုမိုလုပ်ဆောင်သင့်သည်ဟု လူ့အခွင့်အရေး တက်ကြွလှုပ်ရှားသည့် အဖွဲ့များက တိုက်တွန်းလိုက်သည်။

ရခိုင်ပြည်နယ်အတွင်းရှိ ကျူးကျော်ဆောက်လုပ်ထားသည့် ဘာသာရေးဆိုင်ရာ အဆောက်အဦးအပါအဝင် မည်သည့် ကျူးကျော်အဆောက်အဦးကိုမှ ဖျက်သိမ်းရန် အစီအစဉ်မရှိသေးဟု ရခိုင်ပြည်နယ်အစိုးရအဖွဲ့ တာဝန်ရှိသူတစ်ဦးက ပြောကြားလိုက်သည်။

လူအဖွဲ့အစည်းနှစ်ခုကြား တင်းမာမှုများ ဖြစ်ပွားနေသည့် ရခိုင်ပြည်နယ်တွင် လူ့အခွင့်အရေးအခြေအနေ မြှင့်တင်ရန် ဆောင်ရွက်သွားမည်ဖြစ်သလို ပြည်နယ်ဖွဲ့ဖြိုးတိုးတက်ရေးအတွက်လည်း ဆောင်ရွက်နေသည်ဟု ၎င်းကပြောကြားသည်။