ဒါရိုက်တာ မင်းထင်ကိုကိုကြီး၏ ဖေ့ဘွတ်ခ် လူမှုကွန်ရက်ပေါ်တွင် ဖေဖော်ဝါရီလ ၁၅ ရက်မှ မတ်လ ၂၃ ရက်အတွင်း ရေးသားခဲ့သည့်ပို့စ်များသည် တပ်မတော်၏ဂုဏ်သိက္ခာကို ကျဆင်းစေသည်ဟူသောအချက်ဖြင့် ရန်ကုန်တိုင်း စစ်ဌာနချုပ်မှ ဒုဗိုလ်မှူးကြီး လင်းထွန်းက တပ်တွင်းအုပ်ချုပ်မှု ပျက်ပြားစေရန် ကြံရွယ်မှုပုဒ်မ ၅၀၅(က)နှင့် ဆက်သွယ်ရေးဥပဒေပုဒ်မ ၆၆(ဃ) တို့ဖြင့် တရားလိုပြုလုပ်ကာ တရားစွဲဆိုခဲ့ခြင်းဖြစ်သည်။ အင်းစိန်ထောင်တွင်း ထိန်းသိမ်းခံထားရသည့် ဒါရိုက်တာ မင်းထင်ကိုကိုကြီးကို Frontier Myanmar သတင်းထောက် နော်ဘတ်တီဟန်က သွားရောက်တွေ့ဆုံပြီး ၎င်း၏အမှုအခြေအနေနှင့် နိုင်ငံရေးသဘောထားခံယူချက်များကို မေးမြန်းခဲ့သည်။