သမ္မတဟောင်း ဦးသိန်းစိန်သည် တရုတ်နိုင်ငံ၊ နိုင်ငံတော်ကောင်စီဝင်နှင့် နိုင်ငံခြားရေးဝန်ကြီးဖြစ်သူ ဝန်ယိနှင့် ဘေဂျင်းမြို့တွင် ဧပြီ ၂၂ ရက်နေ့က တွေ့ဆုံဆွေးနွေးခဲ့သည်ဟု တရုတ်နိုင်ငံပိုင် ဆင်ဟွာသတင်းဌာနက ရေးသားထားသည်။

ပြီးခဲ့သည့် ဒီဇင်ဘာလအတွင်းက ရိုက်တာသတင်းသမားနှစ်ဦးကို ဖမ်းဆီးရာတွင် ထောင်ချောက်ဆင် ဖမ်းဆီးခဲ့ခြင်းဖြစ်သည်ဟု ရဲအရာရှိတစ်ဦးက တရားရုံးတွင် ယနေ့ပြောကြားသည်။

ကျပ်သိန်း ၁,၅၀၀ ကျော်အား တင်ဒါအောင်မြင်ခဲ့သည့် ကုမ္ပဏီတစ်ခုထံမှ တောင်းခံရယူခဲ့သည်ဟုဆိုကာ ကျန်းမာရေးနှင့် အားကစားဝန်ကြီးဌာန၊ အစားအသောက်နှင့် ဆေးဝါးကွပ်ကဲရေး ဦးစီးဌာန၊ ညွှန်ကြားရေးမှူးချုပ် ဒေါက်တာသန်းထွဋ်အား အဂတိလိုက်စားမှုတိုက်ဖျက်ရေးကော်မရှင်က အမှုဖွင့်အရေးယူထားသည်ဟု သိရသည်။