မြန်မာသမ္မတဦးထင်ကျော်နဲ့ ဒေါ်အောင်ဆန်းစုကြည်တို့ရဲ့ ထူးချွန်တဲ့ ခေါင်းဆောင်မှုနဲ့ အမှန်တကယ် လုပ်ဆောင်သွားနိုင်မယ်လို့ ယုံကြည်ထားသလို ထိရောက်တဲ့ အကူအညီများ ပံ့ပိုးပေးသွားမယ်လို့ မြန်မာနိုင်ငံကို ရောက်ရှိနေတဲ့ ကုလသမဂ္ဂ အထွေထွေ အတွင်းရေးမှူးချုပ် ဘန်ကီမွန်းက ပြောကြားလိုက်ပါတယ်။

ပြီးခဲ့သည့် ရက်ပိုင်းအတွင်း အစိုးရက ဖွဲ့စည်းလိုက်သည့် ရခိုင်ပြည်နယ်ဆိုင်ရာ အကြံပေးကော်မရှင်ဖွဲ့စည်းမှုကို ပြင်ဆင်ဖွဲ့စည်းရန် တိုက်တွန်းကြောင်း အရေးကြီးအဆိုတစ်ခုကို လက်ခံဆွေးနွေးရန် သြဂုတ် ၃၀ ရက်နေ့တွင် ကျင်းပသည့် ပြည်သူ့ လွှတ်တော်အစည်းအဝေးက သဘောတူလိုက်သည်။

ဘန်ကီမွန်းသည် မြန်မာနိုင်ငံသို့ သြဂုတ် ၃၀ ရက်နေ့တွင် ရောက်ရှိမည်ဖြစ်ကာ မြန်မာနိုင်ငံ၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် တွေ့ဆုံဆွေးနွေးမည် ဖြစ်သည်။