ပြီးခဲ့သည့် ရက်ပိုင်းအတွင်းက တရုတ်-မြန်မာနယ်စပ်တွင် ဖြစ်ပွားခဲ့သည့် တိုက်ခိုက်မှုကြောင့် သေဆုံးခဲ့သူများတွင် တရုတ်နိုင်ငံသား နှစ်ဦးလည်း ပါဝင်သည်ဟု တရုတ်နိုင်ငံခြားရေးဝန်ကြီးဌာနက ပြောကြားသည်။

ပြီးခဲ့သည့်ရက်ပိုင်းအတွင်းက မူဆယ်တွင် ပြုလုပ်ခဲ့သည့်တိုက်ခိုက်မှုမှာ တရုတ်နိုင်ငံသားများကို ငွေညှစ်ခြင်း၊ သတ်ဖြတ်ခြင်းများ ဆောင်ရွက်နေသည့် လောင်းကစားရုံအား ဝင်ရောက်တိုက်ခိုက်ခြင်းဖြစ်သည်ဟု တအာင်းအဖွဲ့က ပြောကြားသည်။

မူဆယ်တွင် ဖြစ်ပွားခဲ့သည့် တိုက်ခိုက်မှုများမှ ကျည်ဆံအချို့ တရုတ်နိုင်ငံတွင်းသို့ ကျရောက်ခဲ့ပြီး အရပ်သားအချို့လည်း ထွက်ပြေးတိမ်းရှောင်လာခဲ့သည်ဟု ရန်ကုန်မြို့ရှိ တရုတ်သံရုံးက ပြောကြားသည်။