ထိုင်းနိုင်ငံမှ ပြည်တော်ပြန်ဝင်လာသူတွေကို အိမ်မှာ၁၄ ရက်နေခိုင်းဖို့ နေရပ်ပြန်ပို့တဲ့အစီအစဉ်မှာ ကသောင်းကနင်းဖြစ်မှုတွေရှိခဲ့တာက ကိုရိုနာဗိုင်းရပ်စ် ပြန့်ပွားမယ့်အကျိုးဆက်တွေဖြစ်ပေါ်လာနိုင်ပါတယ်။

“လူစုလူဝေးကိုရှောင်ပါ” ဟူသော စကားမှာ ကမ္ဘာလုံးဆိုင်ရာ လမ်းညွှန်ချက် ပုံစံဖြစ်လာနေသော်လည်း မြန်မာနိုင်ငံတွင် COVID-19 ပိုးရှိသူနှစ်ဦးတွေ့ရှိကြောင်း မတ်လ ၂၃ ရက် ညနက်ပိုင်းတွင် အစိုးရကထုတ်ပြန်လိုက်ပြီးနောက် ထိတ်လန့်တကြားဈေးပြေးဝယ်သူများရှိခဲ့ရာ ဈေးဝယ်စင်တာအချို့တွင် သန်းခေါင်ယံအချိန်ကြီးလူစုလူဝေးဖြစ်ခဲ့ရသည်။ထိတ်လန့်တကြားဈေးပြေးဝယ်မှုမှာ နောက်တစ်ရက်မနက်အထိကူးစက်ပြီး ရန်ကုန်မြို့ရှိဈေးများသည် အကြီးဆုံးလူစုလူဝေးဖြစ်လာသည်။

ပြည်ပမှ မြန်မာနိုင်ငံသို့ လာရောက်အလုပ်လုပ်ကိုင်သူများစွာသည် ကမ္ဘာတစ်ဝန်း COVID-19 ကူးစက်ပျံ့နှံ့မှုနှုန်းမြင့်တက်လာပြီး နိုင်ငံတကာသို့ ခရီးသွားရန် ပိုမိုခက်ခဲလာပြီးနောက် လွန်ခဲ့သောအပတ်တွင် မြန်မာနိုင်ငံမှထွက်ခွာသွားကြပြီဖြစ်သည်။