မောင်တောခရိုင်အတွင်းရှိ ရဲကင်းများနှင့် ရဲစခန်း ၂၀ ကျော် ယမန်နေ့ညက တစ်ပြိုင်တည်း တိုက်ခိုက်ခံရပြီးနောက် လက်ရှိအချိန်အထိ တိုက်ခိုက်မှုများ ဆက်လက်ဖြစ်ပွားနေဆဲဖြစ်သည်ဟု သိရသည်။

ကုလသမဂ္ဂအထွေထွေအတွင်းရေးမှူးချုပ်ဟောင်း မစ္စတာကိုဖီအာနန်ဦးဆောင်သည့် ရခိုင်ပြည်နယ်ဆိုင်ရာ အကြံပေးကော်မရှင်၏ အပြီးသတ်အစီရင်ခံစာပါ အချက်အလက်အချို့မှာ လွဲမှားမှုလိုအပ်ချက်များ ရှိနေသည်ဟု တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်က ပြောကြားလိုက်သည်။

ရခိုင်ပြည်နယ်တွင် ပြည်သူများအားလုံး လွတ်လပ်စွာသွားလာခွင့်ရရှိရေးနှင့် အငြင်းပွားဖွယ်ဖြစ်နေသည့် ၁၉၈၂ ခုနှစ် နိုင်ငံသားဥပဒေကို ပြန်လည်လေ့လာသုံးသပ်ရေးအတွက် ရခိုင်ပြည်နယ်ဆိုင်ရာ အကြံပေးကော်မရှင်က အစိုးရထံတင်သွင်းခဲ့သည့် ၎င်းတို့၏ အပြီးသတ်အစီရင်ခံစာတွင် တိုက်တွန်းထားသည်။