အဆင့်မြင့် စုံညီအစည်းအဝေးတစ်ရပ်နှင့်အတူ သီးခြားစင်ပြိုင် ဆွေးနွေးပွဲ ခြောက်ခုကို ကျင်းပသွားမည်ဖြစ်ပြီး ဆွေးနွေးပွဲများတွင် ကဏ္ဍပေါင်း ရှစ်ခုကို ဦးစားပေး ဆွေးနွေးမည်ဖြစ်ကြောင်း သိရသည်။

ငပလီကမ်းခြေဒေသ ခရီးသွားလုပ်ငန်း ရေရှည်တည်တံ့ဖွံ့ဖြိုးရေးအတွက် သဘာဝပတ်ဝန်းကျင်ဆိုင်ရာ ကိစ္စရပ်သည် အစိုးရိမ်ရဆုံးကိစ္စဖြစ်ပြီး မူဝါဒနှင့် ဆုံးဖြတ်ချက်များချမှတ်ရာတွင် ဒေသခံများ ပါဝင်နိုင်မှု နည်းပါခြင်းက ဒုတိယမြောက် အစိုးရိမ်ရဆုံးဖြစ်သည်ဟု ငပလီကမ်းခြေဒေသ ခရီးသွားလုပ်ငန်း ရေရှည်တည်တံ့ ဖွံ့ဖြိုးရေးအတွက် ဒုတိယအကြိမ် ကျင်းပခဲ့သည့် အလုပ်ရုံဆွေးနွေးပွဲ တက်ရောက်လာသူများက သတ်မှတ်ခဲ့ကြသည်။