ကျော်ဖုန်းကျော်နှင့် ဉာဏ်လှိုင်လင်း ရေးသားသည်။ ကျောက်မျက်လုပ်ငန်းရှင်များ၏ ရတနာရောင်းချရငွေများမှ တစ်ရာခိုင်နှုန်းစီ ဖြတ်တောက်ကာ သိမ်းဆည်းထားသော ရန်ပုံငွေ ယူရို ၉၃ သန်း (ကျပ်သန်းပေါင်း တစ်သိန်းနှစ်သောင်းကျော်)နှင့် ပတ်သက်၍ အရှုပ်အထွေးများဖြစ်ပွားနေသည့်ကိစ္စကို ကျောက်မျက်လုပ်ငန်းရှင်များအသင်းဝင် အချို့က ယနေ့ ဇွန် ၂ ရက်တွင် ရန်ကုန်မြို့၌ သတင်းစာရှင်းလင်းပွဲ ပြုလုပ်၍ ဖွင့်ချလိုက်သည်။.