ဖားကန့်မြို့နယ်တွင် သုံးရက်အတွင်း ဒုတိယအကြိမ်မြောက်အဖြစ် ဇန်နဝါရီ ၆ ရက်နေ့က မြေစာပုံပြိုကျမှု ဖြစ်ပွားခဲ့ရာ ရေမဆေးကျောက်ရှာဖွေသူ ငါးဦးသေဆုံးခဲ့သည်။ ထိုဖြစ်စဉ်နှစ်ခုတွင် သေဆုံးသူ စုစုပေါင်း ၁၁ ဦးရှိသွားပြီဖြစ်သည်။

ရခိုင်ပြည်နယ်၊ မောင်တောမြို့နယ်အတွင်း ဇန်နဝါရီ ၅ ရက်နေ့က ဖြစ်ပွားခဲ့သော တိုက်ပွဲတစ်ခုနှင့် ပတ်သက်၍ သတင်းထုတ်ပြန်ကြေညာရာတွင် အစိုးရနှင့် တပ်မတော်တို့အကြား ကွဲလွဲမှုများရှိနေသည်ကို တွေ့ရသည်။

ဘာသာရေးလွတ်လပ်ခွင့်ကို ဆိုးဆိုးဝါးဝါး ချိုးဖောက်သည်ဟု စွပ်စွဲထားသော နိုင်ငံများစာရင်းတွင် မြန်မာနိုင်ငံအား အမေရိကန်က ထည့်သွင်းလိုက်သည်ဟု အမေရိကန် နိုင်ငံခြားရေးဝန်ကြီးဌာန၏ ဇန်နဝါရီ ၄ ရက်နေ့က ထုတ်ပြန်ချက်တွင် ဖော်ပြထားသည်။

ဖားကန့်မြို့နယ်၊ မော်မောင်းဘွမ်ကျေးရွာအနီးတွင် လွတ်လပ်ရေးနေ့က မြေစာပုံအဟောင်းတစ်ခု ပြိုကျခဲ့မှုကြောင့် ခြောက်ဦးသေဆုံးခဲ့သည်ဟု အစိုးရက သတင်းထုတ်ပြန်သည်။

လူမှုကွန်ရက်တွင် “အောင်ရဲထွေး”အမည်ဖြင့် ဟာသဗီဒီယိုများ ရိုက်ကူးတင်ဆက်ရာမှ နာမည်ရလာသူ ရဲထွေးအောင် သေဆုံးမှုနှင့် ပတ်သက်ပြီး အမျိုးသားသုံးဦးအား ဖမ်းဆီးလိုက်သည်ဟု မြန်မာနိုင်ငံ ရဲတပ်ဖွဲ့က ယနေ့ သတင်း ထုတ်ပြန်သည်။