ရန်ကုန်တိုင်းဒေသကြီးတွင် အနှိပ်ခန်းများအား လုပ်ငန်းလိုင်စင်ဖြင့် တရားဝင် ခွင့်ပြုထားခြင်းမရှိဟု တိုင်းဒေသကြီးအစိုးရ စီမံကိန်းနှင့် ဘဏ္ဍာရေးဝန်ကြီး ဦးမြင့်သောင်းက ယနေ့ပြောကြားသည်။

ရိုက်တာသတင်းသမားနှစ်ဦးအား ရဲတပ်ဖွဲ့က ထောင်ချောက်ဆင် ဖမ်းဆီးခဲ့သည်ဟု ထုတ်ဖော် ပြောကြားခဲ့သည့် ဒုရဲမှူး မိုးရန်နိုင်အား မယုံကြည်ထိုက်သော သက်သေအဖြစ် တရားလိုဘက်က လျှောက်ထားမှုကို တရားရုံးက ယနေ့ ပယ်ချလိုက်သည်။

ရခိုင်ပြည်နယ်တွင် စစ်တပ်က ဆောင်ရွက်ခဲ့သည့် စစ်ဆင်ရေးများနှင့် ပတ်သက်ပြီး သေချာသည့် စုံစမ်း စစ်ဆေးမှု ဆောင်ရွက်ရန် ကုလသမဂ္ဂ လုံခြုံရေးကောင်စီက တိုက်တွန်းလိုက်ပြီး ဒုက္ခသည်များ ပြန်လည်ခေါ်ယူရေးလုပ်ငန်းစဉ်များကို အရှိန်မြှင့်တင်ရန်လည်း တိုက်တွန်းခဲ့သည်။

မန္တလေးတိုင်းဒေသကြီးတွင် ဧပြီ ၂၁ ရက်က ဖြစ်ပွားခဲ့သော အဋ္ဌမတန်းကျောင်းသားအား ဘုန်ကြီးတစ်ပါးက ပြင်းထန်စွာ ရိုက်နှက်မှုအတွက် မိဘဖြစ်သူများမှ အမှုဖွင့် တိုင်ကြားထားသော်လည်း ရဲတပ်ဖွဲ့က သာသနာရေးဝန်ကြီးဌာနနှင့် သံဃမဟာနာယကအဖွဲ့ထံ စာတင်ထားကာ အကြောင်းပြန်ကြားမှုအား စောင့်ဆိုင်းနေရဆဲဖြစ်၍ သံသယရှိသူအား ဖမ်းဆီးစစ်ဆေးနိုင်ခြင်း မရှိသေးကြောင်း သိရသည်။