ရိုဟင်ဂျာများက မြန်မာနိုင်ငံသားများ ဖြစ်ပါလားဟု သတင်းထောက်တစ်ဦးက မေးမြန်းမှုကို ဒေါ်အောင်ဆန်းစုကြည်က လစ်လျူရှုခဲ့သည်။

ပြီးခဲ့သည့်နှစ်က ရန်ကုန်မြို့ အမေရိကန်သံရုံးရှေ့တွင် ဆန္ဒပြမှုဖြင့် တရားစွဲဆိုခြင်း ခံထားရကာ ပြီးခဲ့သည့် ရက်ပိုင်းအတွင်းက ဖမ်းဆီးခံခဲ့ရသည့် ဦးပါမောက္ခ၏ အာမခံလျှောက်ထားမှုကို တရားရုံးက ယနေ့ ပယ်ချလိုက်သည်။

လုံခြုံရေးတပ်ဖွဲ့ဝင်များအနေဖြင့် မောင်တောဒေသတွင် နယ်မြေရှင်းလင်းရေးဆောင်ရွက်ရာ၌ စစ်ပွဲဆိုင်ရာ ဥပဒေများနှင့်အညီသာ ဆောင်ရွက်ခဲ့ခြင်းဖြစ်ပြီး အင်အားအချိုး မညီစွာ သုံးစွဲခဲ့ခြင်း (Use of excessive force) မရှိဟု တပ်မတော်က ပြောကြားသည်။

နေပြည်တော်ရှိ လွှတ်တော်အဆောက်အဦးများကို ဒရုန်းဖြင့် ရိုက်ကူးရန် ပြင်ဆင်နေစဉ် ထိန်းသိမ်းခံထားရသည့် သတင်းထောက်များအား ယနေ့မွန်းလွဲပိုင်းတွင် နေပြည်တော်၌ ပထမဆုံးအကြိမ် စတင်ရုံးထုတ်ခဲ့ရာ ထောင်ဒဏ်နှစ်လစီ ချမှတ်ခဲ့ကြောင်း ၎င်းတို့၏ ရှေ့နေကပြောကြားသည်။