လောင်စာဆီဈေးမြင့်တက်မှု၊ ဓာတ်မြေသြဇာနဲ့ ကုန်စျေးနှုန်းတွေ အဆမတန်မြင့်တက်လာမှု ကြောင့် ဧရာဝတီတိုင်း မြစ်ဝကျွန်းပေါ်က စပါးစိုက်တောင်သူ လယ်သမားတွေဟာ အကြွေးနွံနစ်ပြီး ဆင်းရဲဒုက္ခတွင်းထဲ ပိုနက်လာစေပါတယ်။ သူတို့ဟာ မိသားစုဝမ်းစာအတွက် ဆန်ကြမ်းစားပြီး မငတ်ရုံတမယ် နေ့စဉ်ရုန်းကန်နေကြရပါတယ်။ ဒါ့အပြင် ငွေအရင်းနှီးမရှိတာကြောင့် စိုက်ပျိုးစရိတ်သက်သာတဲ့ ဆန်ကြမ်းစပါးမျိုးတွေကိုသာ လယ်သမားတွေ စိုက်ပျိုးကြရပါတယ်။
