မြန်မာနိုင်ငံအတွင်းမှာရှိတဲ့ လူတွေထူထပ်များပြားတယ်ဆိုပြီး နာမည်ဆိုးနဲ့ ကျော်ကြားနေတဲ့ အကျဉ်းထောင်တွေမှာဆိုရင် လက်ဆေးခြင်း၊ ဂျင်းပြုတ်ရည်သောက်ခြင်းတွေနဲ့ ကိုဗစ် ၁၉ ရောဂါကို ကာကွယ်နေကြပါတယ်။ အဲဒါတွေက တကယ့်တကယ်မှာ အကာအကွယ်ပေးရဲ့လား။ အကျဉ်းထောင်တွေမှာ လူအစုလိုက်အပြုံလိုက် ဒီရောဂါမဖြစ်ပွားစေဖို့ နောက်ထပ် ဘာတွေကာကွယ်ဖို့ လိုအပ်သလဲ။ လူတချို့ကတော့ အကျဉ်းထောင်အတွင်း လူဦးရေထူထပ်မှုကို လျှော့ချနိုင်ရေးအတွက် လွတ်ငြိမ်းချမ်းသာခွင့်ပေးဖို့ တောင်းဆိုနေကြပါတယ်။ ဒီတစ်ပတ်မှာတော့ ကိုဗစ် ၁၉ က အကျဉ်းသားတွေအတွက် သူတို့ကျခံနေရတဲ့ အပြစ်ဒဏ်အပြင် ထပ်တိုးအပြစ်ဒဏ်သဖွယ် ဖြစ်လာနိုင်မလားဆိုတာကို ဒို့အသံက ရှာဖွေတင်ဆက်ထားပါတယ်။
အမျိုးသမီး နိုင်ငံရေးအကျဉ်းသားတွေဟာ ထောင်ဒဏ်ကျခံနေရစဉ်အတွင်း ဒုက္ခပေါင်းစုံကို ရင်ဆိုင်ခဲ့ကြရပါတယ်။ ဒါ့အပြင် ပြန်လည်လွတ်မြောက်လာပြီးနောက်မှာလည်း ထောင်တံခါးပြင်ပမှာ သူတို့ဘဝကို ပြန်လည်အခြေချနိုင်ဖို့အရေး စိန်ခေါ်မှုအသစ် တွေကို ဆက်ပြီး ရင်ဆိုင်ကြရပါတယ်။
Frontier တင်ဆက်သည်။
