ရန်ကုန်၊ ဒီဇင်ဘာ ၁၄
မကွေးတိုင်း၊ အောင်လံမြို့နယ် နှောက်စမ်းကျေးရွာအုပ်စု၊ မဲခေါင်းကျေးရွာ၌ ရေတွင်းတူးရာမှ မထင်မှတ်ဘဲ သဘာဝဓာတ်ငွေ့များပန်းထွက်လာကြောင်း ဒီဇင်ဘာ ၁၄ ရက်တွင် စွမ်းအင်ဝန်ကြီးဌာနက ကြေညာချက် ထုတ်ပြန်သည်။
ပြည် – အောင်လံကားလမ်း၏ အရှေ့ဘက် ၃၅ မိုင်အကွာရှိ အဆိုပါမဲခေါင်းကျေရွာတွင် ကျေးလက်ကျန်းမာရေးဆေးပေးခန်း၌ အသုံးပြုရန် ရေတွင်းတူးစဉ် အနက်ပေ ၃၈၀ ခန့်အရောက်တွင် ဓာတ်ငွေ့များပန်းထွက်လာရာ ပေ ၃၀ ခန့်အထိပင် ရှိကြောင်း ဆိုသည်။
စွမ်းအင်ဝန်ကြီးဌာနမှ တာဝန်ရှိသူများက ယင်းကျေးရွာသို့ အမြန်သွားရောက်လျက်ရှိကြသော်လည်း ဒေသခံတို့မှာမူ ဓာတ်ငွေ့ကြောင့် မီးဘေးအန္တရာယ်ကို စိုးရိမ်လျက်ရှိကြောင်း ဆိုသည်။
သတင်း – ကျော်ဖုန်းကျော်
