ရန်ကုန်
စက်မှုဝန်ကြီးဌာနအား စီမံကိန်းနှင့်ဘဏ္ဍာရေးဝန်ကြီးဌာနနှင့်ပေါင်းပြီး စီမံကိန်း၊ဘဏ္ဍာရေးနှင့်စက်မှုဝန်ကြီးအဖြစ်ပြင်ဆင်ဖွဲ့စည်းရန် အစိုးရကစီစဉ်နေသည်။
ဝန်ကြီးဌာနပူးပေါင်းရေးအား လာမည့်သောကြာတွင်ကျင်းပမည့် ပြည်ထောင်စုလွှတ်တော်တွင်ရှင်းပြရန် သမ္မတက ပြည်ထောင်စုအဆင့်အဖွဲ့အစည်းဝင်တစ်ယောက်ကိုတာဝန်ပေးထားသည်။
ထို့နောက်လွှတ်တော်က အဆိုပါကိစ္စကိုဆက်လက်ဆွေးနွေးကြမည်ဖြစ်သည်။
စက်မှုဝန်ကြီးဦးခင်မောင်ချိုအားအနားပေးပြီးနောက် အဆိုပါဝန်ကြီးဌာနကို စီမံဘဏ္ဍာဝန်ကြီး ဦးစိုးဝင်းကဝန်ကြီးအဖြစ် ပူးတွဲတာဝန်ယူထားသည်။
လွန်ခဲ့သည့်လအနည်းငယ်ကမှ လူငယ်ပညာရှင်တစ်ဦးဖြစ်သော ဒေါက်တာမင်းရဲပိုင်ဟိန်းကို စက်မှုဒုဝန်ကြီးအဖြစ်ခန့်အပ်ခဲ့သေးသည်။
ဦးသိန်းစိန်အစိုးရလက်ထက်က အမျိုးသားစီမံကိန်းနှင့်စီးပွားရေးဖွံ့ဖြိုးရေးဝန်ကြီးဌာန၊ဘဏ္ဍာရေးဝန်ကြီးဌာန၊စက်မှုဝန်ကြီးဌာနဟူ၍ သီးခြားစီရှိခဲ့ရာမှ အမျိုးသားဒီမိုကရေစီအဖွဲ့ချုပ်အစိုးရလက်ထက်တွင် ဝန်ကြီးဌာနတစ်ခုထဲဖြစ်လာတော့မည်ဖြစ်သည်။
စက်မှုဝန်ကြီးဌာနသည် အရှုံးအပေါ်ဆုံးဝန်ကြီးဌာနတစ်ခုအဖြစ်နာမည်ကြီးပြီး တပ်မတော်အစိုးရလက်ထက်က အမှတ်(၁)စက်မှုဝန်ကြီးဌာနနှင့်အမှတ်(၂)စက်မှုဝန်ကြီးဌာနဟူ၍ပင် ဝန်ကြီးဌာနနှစ်ခုအထိရှိခဲ့သည်။
