မြန်မာတစ်နိုင်ငံလုံးမှာရှိတဲ့ ကိုဗစ်-၁၉နဲ့ပတ်သက်တဲ့ တစ်အပတ်အတွင်း စိတ်ဝင်စားဖွယ်သတင်း အကျဉ်းချုပ်တင်ဆက်ဖို့ အချိန်ရောက်လာပါပြီ။
ဒီတစ်ပတ်မှာတော့
- တစ်ပတ်အတွင်းဖြစ်ပွားခဲ့တဲ့ ကိုဗစ်-၁၉ရောဂါအနှစ်ချုပ်။
- ကပ်ရောဂါကာလအတွင်းမှာ ပြည်သူတွေကြုံတွေ့နေရတဲ့ ကျန်းမာရေးပြဿနာတွေကို တယ်လီဖုန်းနဲ့ ဆွေးနွေးမေးမြန်းနိုင်။
- ပလက်ဝမှာ နယ်မြေအေးချမ်းမှုမရှိတဲ့အပြင် ဈေးဝယ်သူမရှိတာကြောင့် နေ့လည်၁နာရီမှာ ဈေးဆိုင်တွေပိတ်။
- မော်လမြိုင်ဆေးရုံကြီးတွင် ဆေးကုသမှုခံယူနေသူတွေထဲမှာ တစ်လခွဲအရွယ် ကလေးငယ်တစ်ဦးပါဝင်။
- စစ်ကိုင်းတိုင်းအတွင်းရှိ တရားရုံးတွေမှာ အရေးကြီးအမှုတွေကလွဲပြီး အမှုကြားနာခြင်း ဆိုင်းငံ့ထား။
- မူဆယ်မြို့မှာကျင်းပတဲ့ အထူးရဲသင်တန်းမှာ နည်းပြအရာရှိတစ်ဦး ကိုဗစ်-၁၉ရောဂါပိုးတွေ့။
- ရောဂါထိန်းချုပ်နိုင်မှုအခြေနေပေါ်မူတည်ပြီး ထိုင်း-မြန်မာချစ်ကြည်ရေးတံတားဖွင့်မယ့်အချိန်ကို ပြန်လည်သုံးသပ်သွားမည်။
- ဗန်းမော်ကွန်ပျူတာတက္ကသိုလ်ကျောင်းသူ၊ ကျောင်းသားတွေ တီထွင်ဖန်တီးတဲ့ အဝေးထိန်းသယ်ယူပို့ဆောင်စက်ကို မြစ်ကြီးနားပြည်သူ့ဆေးရုံကြီးသို့ လှူဒါန်း။
- တနင်္သာရီတိုင်းက မြို့နယ်အချို့မှာ သားငါးဝယ်ယူခွင့်ပိတ်ထား။
စတဲ့သတင်းအပါအဝင် အခြားစိတ်ဝင်စားဖွယ် သတင်းများကိုနားဆင်နိုင်ပါပြီ။