“ဖြစ်ချင်တဲ့ဆန္ဒဆိုရင် ညီမက ကျောင်းသူ ဖြစ်လို့ ကျောင်းလေးပြီးအောင် တက်ချင်တယ်။ မိဘတွေကိုလည်း ဘွဲ့လေးတစ်ခုလောက်ရအောင် ယူပေးချင်တယ်။ နောက်ဖြစ်နိုင်မယ်ဆိုရင် တကယ်လို့များ တော်လှန်ရေးများပြီးသွားခဲ့သည်ရှိသော် ဒီဆေးရုံက ဆက်လက်တည်တံ့နေမယ်ဆိုရင် ဒီဆေးရုံလေးမှာပဲ ဆက်လက်ပြီးတော့ ကိုယ်တတ်နိုင်သလောက်လုပ်ပေးချင်ပါသေးတယ်”
မတ်လ ၈ နေ့က အပြည်ပြည်ဆိုင်ရာအမျိုးသမီးများနေ့ ဖြစ်ပါတယ်။ ဒီနေ့မှာတော့ အမျိုးသမီးများနေ့ အထိမ်းအမှတ်အဖြစ် စစ်ကိုင်းတိုင်းရဲ့စစ်မြေပြင်မှာ ကျန်းမာရေးစောင့်ရှောက်မှုပေးနေတဲ့ စေတနာ့ဝန်ထမ်း အမျိုးသမီးဆေးတပ်သားတစ်ဦးရဲ့ အတွေ့အကြုံတွေနဲ့ မျှော်လင့်ချက်အကြောင်းကို တင်ဆက်ပေးသွားပါမယ်။
