ပြီးခဲ့တဲ့မတ်လ(၂၈)ရက်နေ့က လှုပ်ခတ်ခဲ့တဲ့ငလျင်ကြောင့် ဘုန်းကြီးကျောင်း၊ သီလရှင်ကျောင်းနဲ့ အခြားဘာသာရေးအဆောက်အုံပေါင်း ၅၅၀၀ ကျော် ပြိုကျပျက်စီးခဲ့တယ်လို့ စစ်ကောင်စီက ထုတ်ပြန်ထားပါတယ်။ ပျက်စီးသွားခဲ့ တဲ့ ဗုဒ္ဓဘာသာအဆောက်အုံတွေ ပြန်လည်တည်ဆောက်ခွင့်ရနေချိန်မှာပဲ မွတ်ဆလင်တွေအတွက် ဗလီတွေ တည်ဆောက် ခွင့်မရသေးတာကြောင့် အစ္စလာဘ်ဘာသာဝင်တွေဟာဝတ်ပြုဖို့ နေရာမရှိနေပါဘူး။
မင်္ဂလာပါရှင်။ မြန်မာနိုင်ငံတစ်ဝှမ်းက လူ့အခွင့်အရေးနဲ့ ပတ်သက်တဲ့ အကြောင်းအရာတွေကို တင်ဆက်ပေးနေတဲ့ ဒို့အသံ အပတ်စဉ် podcast အစီအစဉ်ကနေ ကြိုဆိုပါတယ်။ ဒီအစီအစဉ်ကို Foundation Hirondelle က ကူညီပံ့ပိုးပေးထားတာပါ။ဒီတပတ် အစီအစဉ်ကိုတော့ ဒို့အသံရဲ့သတင်းထောက် ထက်အောင်က ရေးသားထားပြီး ဒို့အသံအဖွဲ့သားတွေက ဆက်လက်တင်ဆက်ပေးပါမယ်။ ဆောင်းပါးအတွင်း လုံခြုံရေးအခြေနေတွေကြောင့်နာမည်တွေကို ပြောင်းလဲအသုံးပြုထားပါတယ်။
