ရန်ကုန်ဒါးဝစ်ရှ်ကောလိပ် ၏ ကြော်ငြာဆောင်းပါးဖြစ်ပါသည်။
ဘက်ဆီလီ
ကျွန်မ၏မူကြိုတန်းစာသင်နှစ် ပထမနေ့တွင်ဖြစ်သည်။ ထိုနေ့က ကစားစရာ ရောင်စုံဖော့ဂျုံပေါ်မှာ ရုပ်ကြွင်းများပုံဖော်ခြင်း၊ သဲထဲမှ ဒိုင်နိုဆောအရိုးများ တူးဖော်ခြင်း၊ အပြင်ထွက်ပြီး ပန်းချီဆွဲခြင်း၊ လက်ထိုးရုပ်သေး ကစားခြင်း၊ ဖြတ်ညှပ်ကပ် ပုံဖော်ကစားခြင်းတို့အပါအဝင် အခြားကစားနည်းတွေကို ကလေးများ လှုပ်ရှားကစားခဲ့ကြသည်။ အတန်းပြီးဆုံးချိန်၌ သည်လိုကစားနေကြပုံများကို ကျွန်မတို့အတူတကွ ပြောဆိုနေကြပါသည်။
အိမ်မပြန်ခင် ကလေးများကို ကျွန်မကပြောလိုက်သည်။
“မိဘတွေက ဒီနေ့ကျောင်းမှာ ဘာလုပ်ခဲ့သလဲလို့မေးရင် ကလေးတို့ ဘာပြန်ပြောမလဲ”
ကျွန်မရှေ့က ကလေးငယ်က မျက်လုံးလက်လက်ဖြင့် ကောက်ခါငင်ကာပြောချလိုက်သည်။
“ဘာမှမလုပ်ဘူး”
ယင်းမှာ သူတို့ကလေးတွေ ကျောင်းမှာ မည်မျှပင်ပျော်ပျော်၊ တစက်ကလေး မနားမနေလှုပ်ရှားလှုပ်ရှား၊ သင်ကြားမှုတွင် မည်မျှပင် စိတ်ဝင်စားသည်ဖြစ်ဖြစ် ဖြေနေကျအဖြေ ဖြစ်သော်လည်း ထိုအချက်မှာ သတိပေးချက်ကောင်းတစ်ခုပင်ဖြစ်တော့သည်။ ငယ်စဉ်ကစ၍ သူတို့သင်ကြားမှုအပေါ် ထင်ဟပ်နိုင်သော ကလေးများ၏အခွင့်အရေးကို ခွင့်ပြုရန် မည်မျှအရေးကြီးကြောင်း သတိပေးချက်ပင်ဖြစ်ပေသည်။
စတားစီးတီးတက္ကသိုလ်နယ်မြေ၊ ရန်ကုန်ဒါးဝစ်ရှ်ကောလိပ်မှ အခြေခံအဆင့်တန်းခွဲများ(အသက် ၂ နှစ်မှ ၅ နှစ်) တွင် ကလေးများ၏ သင်ယူမှု၊သင်ကြားမှုပိုင်း၌ မည်သို့ဆက်သွယ်ပြောဆိုရမည်ကို သင်ကြားပေးခြင်းကို မှတ်တမ်းတင်ချဉ်းကပ်သော ကလေးဖတ်စာဟုသိထားသည့် ‘Talking and Thinking Floorbook’ ကို လက်ကိုင်ထားကြပါသည်။ ထိုချဉ်းကပ်မှုကို ဒေါက်တာ ကလဲရ်ဝါဒင်(ယူကေနိုင်ငံ စကော့တလန်အခြေစိုက် ပညာရေးအတိုင်ပင်ခံ) က ဖော်ထုတ်ခဲ့ပြီး ယခုအခါ ကမ္ဘာတဝှမ်းရှိ မူကြိုသင်ကြားရေး စီစဉ်ဖွဲ့စည်းမှုများ၌ အသုံးပြုလျက်ရှိသည်။ ဤစီစဉ်ဖွဲ့စည်းမှုမှာ ကလေးစိတ်ကြိုက်ရွေးချယ်ခြင်းအပေါ် အထူးပြုကြောင်း သတိချပ်ရန် အရေးကြီးလှပေသည်။ ကလေးများ၏စိတ်ဝင်စားမှုကို ထောက်ပင့်ဖြန့်ကျက်ပေးသော ကျောင်းတွင်းကျောင်းပြင်၌ ပြောင်မြောက်သည့်သင်ကြားမှုဝန်းကျင် ဖွံ့ဖြိုးစေရေးအာရုံစိုက်ရန်နှင့် ကစားခြင်းမှတဆင့် သင်ကြားပေးရန် ကျွန်မတို့ အလေးအနက် အားပေးတိုက်တွန်းလိုပါသည်။
ဆက်သွယ်ပြောဆိုမှုနှင့် တွေးတောမှုဆိုင်ရာကလေးဖတ်စာအုပ်ဆိုသည် အဘယ်နည်း။
ရန်ကုန်ဒါးဝစ်ရှ်ကောလိပ်သည် သင်ကြားရေးပိုင်းချဉ်းကပ်မှု၊ အကြောင်းအရာပိုင်းနှင့်အံဝင်မည့်နည်းလမ်းနဲ့ ကလေးဖတ်စာတွေ (Floorbooks) ကို ပြုစုထားခြင်းဖြစ်သည်။
- ကလေးဖတ်စာအစပိုင်းကို ကလေးများထံကနေသာ အမြဲတမ်းအရင်းခံထားပါသည်။ ယင်းမှာ သူတို့မှာရှိသည့် အတွေးအခေါ်၊ သို့မဟုတ် ကြီးကျယ်သည့်မေးခွန်း တစ်ခုဖြစ်နိုင်ပေသည်။
- စာမျက်နှာများကို ကလေးများက များနိုင်သမျှ အများဆုံးဖော်ထုတ်ထားသည်များကို စုစည်းထားသည်။
- ကလေးဖတ်စာက ကလေးတို့၏စိတ်ကူးများ၊ အကြံဉာဏ်များ၊ သီဝရီများ၊ မေးခွန်းများကို (ပြန်လည်ဘောင်မခတ်ဘဲ၊ အဓိပ္ပာယ်ပြန်မဖွင့်ဘဲ) မှတ်တမ်းတင်ထားသည်။
- ဤကလေးဖတ်စာက သူတို့သင်ကြားရေး၌ အလွယ်တကူ ပြန်လှန်မေးမြန်းနိုင်သဖြင့် သင်ကြားမှုနှင့် ချိတ်ဆက်မှုများ၊ ဆက်သွယ်မှုများကို ကလေးများလုပ်နိုင်အောင် ထောက်ကူပေးသည်။
Tapestry အွန်လိုင်းသင်ကြားရေးဂျာနယ်ကို ကျွန်မတို့ ဆက်သုံးနေသဖြင့် သူတို့သားသမီးကလေးများအကြောင်းနှင့် ယူကေမူကြို အခြေခံအဆင့်မူဘောင် (ကလေးဖတ်စာနှင့် မသိမသာခြားနား) အပေါ် အခြေပြုထားသည့် ဓာတ်ပုံများ၊ ဗီဒီယိုများ၊ အကဲဖြတ်ချက်များဆိုင်ရာ ကလေးများ၏ပုံမှန်သင်ကြားမှု နမူနာတို့ကို စောင့်ကြည့်နိုင်ပေမည်။ ယင်းမှာ ကလေးတို့၏ စူးစမ်းလိုမှု ပကတိမြင်ကွင်းကို စုစည်းဖော်ပြသည့်နည်းစဉ်တစ်ခုဖြစ်ပေသည်။
ကလေးဖတ်စာရှိထားရုံနှင့် အကြောင်းအရာနှင့်အဓိကဆိုလိုရင်းတို့ကို လွယ်လင့်တကူ ဆင့်ပွားဖန်တီးနိုင်မည်ဟု မဆိုလိုချေ။ အကြောင်းအရာနှင့်အဓိကဆိုလိုရင်းတို့မှာ ရှေးရိုးစဉ်လာနည်းအရ ကြိုတင်စီစဉ်ထားပြီးဖြစ်သည်။ ကလေးဖတ်စာချဉ်းကပ်မှုအားဖြင့် ဆရာများနှင့် သင်ထောက်ကူတို့က ကလေးများ၏သင်ယူမှုကို ဆန်းစစ်လေ့လာ ဆွေးနွေးနိုင်ရန် ထိုစာအုပ်ကို အသုံးပြုသွားမည်ဖြစ်ပေသည်။ သူတို့က ကလေးများသင်ယူမှု၌ ဘာထပ်ဖြစ်လာမည်ကို ခန့်မှန်းနိုင်ဖွယ်ရှိသော်လည်း သေချာပေါက်သိရှိမည်ဟု မမှတ်ယူနိုင်ပေ။ အကြောင်းမှာ ကလေးများက သူတို့သင်ယူမှုကို သူတို့ကိုယ်တိုင် အမှန်တကယ် ဦးဆောင်လုပ်ကိုင်သွားမည်ဖြစ်၍ပင်။ လူကြီးများ၏အခန်းကဏ္ဍက ကလေးများပြုမူပြောဆိုမှုအပေါ် အကဲဖြတ်လေ့လာမိသည်တို့ကို အခြေခံလျက် နားထောင်၊ စောင့်ကြည့်၊ လမ်းညွှန်၊ မြှင့်တင်ရန်ဖြစ်သည်။
စတားစီးတီးတက္ကသိုလ်နယ်မြေ၊ ရန်ကုန်ဒါးဝစ်ရှ်ကောလိပ်မှာ ခုထိ ၁၈ လနီးပါး အဆိုပါချဉ်းကပ်မှုကို အသုံးချလာရာ (အသက် ၃ နှစ်မှ ၅ နှစ်အရွယ်တို့တွင်) ကျွန်မတို့မြင်တွေ့ရသော အကြီးမားဆုံး အပြုသဘောဆောင် သက်ရောက်မှုနယ်ပယ်တို့မှာ-
- ကလေးများ၏ဘာသာစကားဖွံ့ဖြိုးမှု
- ကလေးတို့က သူတို့သင်ကြားထားသမျှကို ပြန်အမှတ်ရစေဖို့ စာအုပ်အကူအညီဖြင့် သူတို့အချင်းချင်းပြောရန်၊ မိဘများအားပြောပြရန်၊ အတန်းရှေ့ထွက်ပြောရန် စိတ်အားထက်သန်စေသည်။
- အဖွဲ့အသင်းလိုက်ဆောင်ရွက်တတ်မှုနှင့် ပူးပေါင်းဆောင်ရွက်တတ်မှု
- ကလေးများက ဖတ်စာအုပ်ကို အတူတကွဖတ်ရှုဆောင်ရွက်သည်။ စာအုပ်ကကြီးမားသဖြင့် ရွေ့ရလွယ်သည့် စားပွဲပတ်လည်ဝိုင်းထိုင်ခြင်း သို့မဟုတ် ကြမ်းပေါ်ချရသောကြောင့် ကော်ဇောပေါ်မှာလှဲ၍ စုစည်းကြရသည်။ သင်ကြားရေးအတွက် ဓာတ်ပုံများဖြတ်ညှပ်ခြင်း၊ စာအုပ်ပေါ်ကပ်ခြင်း၊ မှတ်သားခြင်း၊ ပုံများရေးဆွဲခြင်းတို့ကို သင်ကြားမှုအကြောင်းပြောကြရင်း တစ်ဦးကိုတစ်ဦးကူညီရိုင်းပင်းကြသည်။
- အမြင့်မားဆုံးကျောင်းသားအေဂျင်စီ
- ကလေးများကို သူတို့စိတ်ကြိုက် ဖတ်စာအုပ်နှင့်ထိတွေ့မှုရှိစေဖို့ ကမ်းလင့်ကြိုဆိုပေးသည်။ သိပ်ငယ်လွန်းသော ကလေးအဖို့ ထိုသို့ကမ်းလင့်မှုက စာအုပ်ပေါ် အရာတွေထင်အောင်အလွယ်ခြစ်မှတ်သွားတတ်သေးသည်။ သို့ဖြင့် ကလေးစိတ်၌ ဖတ်စာအုပ်များကို ပိုင်ဆိုင်သည်ဟူသောခံစားချက်မျိုး ရသွားစေသည်။ ယခုနှစ်မှာ ထိုခံစားချက်ကို ထပ်မြှင့်ကာ ကလေးများနှင့်အဆင်ပြေသော ပိုလာရွိုက်ကင်မရာ တစ်လုံးကို ကျွန်မတို့ စီစဉ်ပေးလိုက်သည်။ ဤတွင် (၃ နှစ်အရွယ်သာရှိသော) ကလေးတို့က သူတို့သင်ကြားနေပုံများရိုက်ကြ၊ ချက်ချင်းပုံထုတ်ကြ၊ ဖတ်စာအုပ်မှာ ကပ်ကြတော့သည်။ ယင်းသို့လုပ်ရ၍ သူတို့စိတ်အားတက်ကြွသွားကြ၊ တချိန်တည်းမှာ ဓာတ်ပုံပညာအခြေခံကို သင်ယူနိုင်သွားကြသည်ကို ပြောဖို့ပင်မလိုတော့ချေ။
- အမှန်တကယ်စာရေးသားခြင်းဆိုင်ရာ အခွင့်အလမ်း
- ကလေးများကြီးပျင်းလာသည့်အခါ သို့တည်းမဟုတ် သူ့ထက်ကြီးသူများလိုလုပ်နိုင်သည်ဟု ခံစားလာချိန်၌ ဖတ်စာအုပ်က အဓိပ္ပာယ်ဖွင့်ဆိုချက်နှင့် ရည်ရွယ်ချက်အတွက် ရေးသားနိုင်မည့် အလွန်ထူးခြားသောအခွင့်အလမ်းကို သူတို့အား ပေးပါသည်။ ဓာတ်ပုံအမည်၊ သို့မဟုတ် ပုံစာ၊ သို့မဟုတ် စာရင်း၊ ပေးစာ၊ သို့မဟုတ် ဟင်းချက်နည်းတို့ကဲ့သို့ ခပ်ရှည်ရှည်ရေးသားရသော စာမျိုးဖြစ်စေ ဖတ်စာက စာရေးသားခြင်းကို အဓိပ္ပာယ်ပြည့်ဝစေသည်။
- ခံစားမှုပိုင်းဖွံ့ဖြိုးမှု
- ကလေးများပြောသည်ကို နားထောင်းပေးခြင်း၊ သူတို့အတွေးများ၊ အယူအဆများကို မှတ်တမ်းတင်ကာ ဖတ်စာအုပ်ထဲ ထည့်ပေးခြင်းတို့ဖြင့် သူတို့ကို တန်ဖိုးထားပေးပါသည်။ ကလေးတို့ကလည်း သူတို့ပြောသမျှ အရေးထားမှန်း၊ သူတို့အမြင်ကို ထည့်စဉ်းစားမှန်း သိရှိကြသည်။
class=
ဖတ်စာအုပ်မှ တိုးတက်မှုလေ့လာချက် – လူငယ်စီးပွားရေးစွမ်းဆောင်ရှင် မှတ်တမ်းတင်ခြင်း
ဖတ်စာအုပ်ထဲမှ “ခရမ်းချဉ်သီးရောင်းချခြင်း” ဇာတ်လမ်းမှာ ကျွန်မတို့အတန်းပိုင်ဥယျာဉ်ခြံထဲမှ ခရမ်းချဉ်သီးများ ခူးနေစဉ် ကလေးတစ်ဦးက “တို့ခရမ်းချဉ်သီးတွေ ရောင်းလိုက်ရင် ဘယ်လိုနေမလဲ” ဟု မေးလိုက်ချိန်မှစခဲ့သည့် စူးစမ်းမှုတစ်ခုပင်ဖြစ်ပါသည်။ ဖတ်စာအုပ်၌မှတ်တမ်းတင်ခဲ့သော သင်ကြားမှုက လူငယ်စီးပွားရေးသမားတို့၏ စူးစမ်းမှုဖြစ်စဉ်တစ်ခုလုံးကိုဖော်ပြပါသည်။ ထိုလူငယ်တို့က ခရမ်းချဉ်သီး တပုံကြီးဆွတ်ခူးရရှိနိုင်အောင် စိုက်ပျိုးခဲ့ကြ၊ အတန်းရှေ့မှာ ဆိုင်တစ်ဆိုင်ဆောက်ကြ၊ ခရမ်းသီး၊ ပင်စိမ်း၊ ဖရဲသီးတို့နှင့်အတူ ကျောင်းသားမိဘများ၊ ဆရာဆရာမများအား ရောင်းချကြနှင့် လများစွာအကြာတွင် ကျပ်ငွေ ၆၀,၀၀၀ ရှာဖွေပေးနိုင်ခဲ့သည်။
ဖတ်စာအုပ်မှာ ကလေးများက သူတို့ဆိုင်အတွက် ဈေးနှုန်းများကို မည်သို့သုတေသနလုပ်ရှာယူသည်၊ ပစ်မှတ်ထားရမည့်ဖောက်သည်ကို မည်သို့ဆုံးဖြတ်သည်၊ ဆိုင်ဖွင့်ချိန် ပိတ်ချိန် မည်သို့သတ်မှတ်သည်၊ နောက်ဆုံး၌ အမြတ်များကို ဘာအတွက်သုံးမည့်အကြောင်း ငြင်းခုံဆွေးနွေးသည်တို့ကို မှတ်တမ်းတင်ထားသည်။ ဖတ်စာအုပ်တွင် လေဆိပ်သွားကာ ဗီယက်နမ်၊ အီဂျစ်၊ နယူးဇီလန်၊ သို့မဟုတ် ထိုင်ဝမ်သို့လေယာဉ်စီးသွားရန် ငွေကြေးသုံးစွဲလိုသော ယင်းလူငယ်တို့၏စဉ်းစားသည့်ဖြစ်စဉ်ကိုလည်း ဖော်ပြထားသည်။
‘တို့မှာ လေဆိပ်သွားဖို့ပိုက်ဆံ လုံလောက်ရဲ့လား’ တို့တွေ ဗီယက်နမ်ကို မီးရထားနဲ့သွားသင့်တယ်’
‘ဗီယက်နမ်ကို တို့ မီးရထားနဲ့သွားရင် အဲဒီရောက်ဖို့ အချိန်အကြာကြီးစီးရမှာ’
ကလေးတို့က လေယာဉ်စီးဖို့ရန် အလွန်ငွေကြေးကုန်ကျမည့်အကြောင်းရိပ်စားမိသွားသည့်အခါ
‘ငါတို့ ခရမ်းချဉ်သီးတွေ၊ ခရမ်းသီးတွေ ထပ်စိုက်ရင်ကော၊ ဒါမှ ငါတို့ပြန်ရောင်းပြီး ခရီးဆက်သွားနိုင်မယ်လေ’
‘ငါတို့က ချမ်းသာကြပေမဲ့ တစ်ဦးချင်းတော့ ပိုက်ဆံမရှိကြဘူးကွာ’
ထိုသို့လျှင် ပြောကြဆိုကြ ဆွေးနွေးကြပြီးနောက် သန်လျင်ရှိ ထူးခြားသော Calorie Café သို့သွားကြကာ သူတို့ငွေကို လေယာဉ်လက်မှတ်အစား သစ်သီးဖျော်ရည်နှင့် မုန့်များဝယ်စားလိုက်ကြတော့သည်။ ဖြစ်စဉ်အတွင်း သူတို့သည် ငွေတန်ဖိုးအကြောင်း တစုံတခုသောအတိုင်းအတာထိ သင်ယူလိုက်နိုင်ကာ သူတို့၏အတွေးအကြံများကို လက်ခံနားထောင်ပေးကြသည်ဟူသောခံစားမှုကို ရရှိခဲ့ကြသည်။ ယင်းကို ဖတ်စာအုပ်၌ ခရီးစဉ်အကြောင်းသင်ယူမှုအဖြစ် မှတ်တမ်းပြုခြင်းဖြင့် အထောက်အကူပြုပေးထားပေသည်။
——————————————————————————————————————————-
ရန်ကုန်ဒါးဝစ်ရှ်ကောလိပ် အခြေခံအဆင့်တန်း ကျောင်းသားမိဘတစ်ဦးဖြစ်သူက မစ္စဘိခ် အွန်ခင်းမ်က ဒီလိုမှတ်ချက်ပြုသည်။
‘ကျွန်မအနေနဲ့ Talking and Thinking Floorbooks အယူအဆကို သိပ်ကိုသဘောကျတာပဲ။ ဒါက ကလေးတွေရဲ့စိတ်ကူးစိတ်သန်းကို ဖွင့်ပေးနိုင်ပြီး အတော့်ကိုထိရောက်မှုရှိပါတယ်။ ရန်ကုန်ဒါးဝစ်ရှ်ကောလိပ်မှာ သင်ကြားရေးဆိုင်ရာ တီထွင်ဆန်းသစ်တဲ့နည်းလမ်းတွေကို တတ်မြောက်ထားတဲ့၊ အရည်အချင်းပြည့်မီတဲ့ ကျွမ်းကျင်ဆရာဆရာမတွေ ရှိတဲ့အတွက် ဝမ်းသာမိပါတယ်။ ဒီပုံစံအကြောင်း ကျွန်မကြားဖူးထားပါတယ်။ ဒါပေမဲ့ လက်တွေ့မြင်လိုက်တဲ့အခါကျမှ ဒါကဘာသာစကားဖွံ့ဖြိုးမှု၊ ပြောဆိုဆက်သွယ်မှုနဲ့ ကလေးတွေရဲ့ ဘက်စုံဖွံ့ဖြိုးမှုတွေအတွက် ဘယ့်ကလောက်အထောက်အကူပြုနိုင်တယ်ဆိုတာ တအံ့တဩနဲ့ ဝမ်းမြောက်ဝမ်းသာဖြစ်မိပါတော့တယ်။ ပါဝင်ဆောင်ရွက်ကြသူအားလုံးကို သိပ်ကိုကျေးဇူးတင်မိကြောင်းနဲ့ ဒီသင်ကြားရေးချဉ်းကပ်မှုကို တကယ့်ကိုလှိုက်လှိုက်လှဲလှဲ ထောက်ခံချင်ပါတယ်’
အကယ်၍ သင်သည် မိဘတစ်ဦးအဖြစ်ဖြစ်စေ၊ ပညာသင်ကြားရေးပိုင်းပုဂ္ဂိုလ်တစ်ဦးအဖြစ်ဖြစ်စေ ကျွန်မတို့၏ ဖတ်စာအုပ်ချဉ်းကပ်မှု Floorbook Approach အကြောင်း စိတ်ဝင်စားပါက၊ သို့တည်းမဟုတ် Early Years setting အကြောင်းခုထက်ပိုသိလိုပါက alok.kapur@dulwich-yangon.com.mm ကို ကျေးဇူးပြု၍ ယခုပင်ဆက်သွယ်နိုင်ပါကြောင်း။
(ဆောင်းပါးရှင် မစ္စ ဘက်ဆီလီး သည် စတားစီးတီးတက္ကသိုလ်နယ်မြေ၊ ရန်ကုန်ဒါးဝစ်ရှ်ကောလိပ် မူကြိုတန်းဆိုင်ရာ ညှိနှိုင်းရေးမှူးဖြစ်သည်။)
မြင့်စိုး ဘာသာပြန်သည်။
ရန်ကုန်ဒါးဝစ်ရှ်ကောလိပ် ၏ ကြော်ငြာဆောင်းပါးဖြစ်ပါသည်။
