ရွေးကောက်ပွဲရလဒ် ညွန့်ပေါင်းပုံစံမလိုချင်ကြောင်း ဒီချုပ်တပ်လှန့်

နန္ဒ
၂၀၂၀ရွေးကောက်ပွဲအနိုင်ရလဒ်အား ညွန့်ပေါင်းပုံစံမလိုချင်ကြောင်း အာဏာရအမျိုးသားဒီမိုကရေစီအဖွဲ့ချုပ်က ပါတီခေါင်းဆောင်များကိုတပ်လှန့်လိုက်သည်။
စက်တင်ဘာ ၂၁ ရက်က အမျိုးသားဒီမိုကရေစီအဖွဲ့ချုပ်ရုံးချုပ်တွင်ကျင်းပခဲ့သော ဒုတိယဗဟိုကော်မတီ တတိယအကြိမ်မြောက်ပုံမှန်အစည်းအဝေးသဘာပတိမိန့်ခွန်းတွင် ထည့်သွင်းပြောကြားခဲ့ခြင်းဖြစ်သည်။
တိုင်းပြည်ထူထောင်ရေးအစပြုကာလ(၂၀၁၅ အထွေထွေရွေးကောက်ပွဲ)တွင် ဒီချုပ်ကအများစုအနိုင်ရခဲ့ခြင်းကြောင့်ဥပဒေပြုရေးနှင့်အုပ်ချုပ်ရေးတွင်ဟန်ချက်ညီစွာဆောင်ရွက်နိုင်ပြီးထိုက် သင့်သည့်တိုးတက်မှုများရရှိခဲ့ကြောင်း သဘာပတိမိန့်ခွန်းကဆိုသည်။
“ဒီလိုမဟုတ်ဘဲညွန့်ပေါင်းပုံစံသာဖြစ်ခဲ့ရင် တိုင်းပြည်ရှေ့မတိုးနောက်မဆုတ်ဖြစ်လိမ့်မယ်ဆိုတာ သတိပြုဖို့လိုပါတယ်”ဟုသဘာပတိအဖြစ်ဆောင်ရွက်သူ ဦးတင်ထွဋ်ဦးကဖတ်ကြားသည်။
ဒီမိုကရေစီဖက်ဒရယ်ပြည်ထောင်စု ခိုင်မာစွာအုတ်မြစ်ချနိုင်သည်အထိ အားကောင်းသည့်အစိုးရတစ်ရပ်ဖွဲ့စည်းနိုင်သည့် အနိုင်ရလဒ်မျိုး ကာလတစ်ကန့်အထိလိုနေသေးကြောင်း ပြည်သူလူထုအများစု နားလည်လက်ခံနိုင်ရန်ကြိုးစားကြရမည်ဖြစ်ကြောင်း သဘာပတိကဆိုသည်။
ကြားဖြတ်ရွေးကောက်ပွဲရလဒ်နှင့် အတွေ့အကြုံများအရ လာမည့် ၂၀၂၀ရွေးကောက်ပွဲတွင် အမတ်လောင်းများတစ်အိမ်တက်ဆင်းမဲဆွယ်ရန် အမျိုးသားဒီမိုကရေစီအဖွဲ့ချုပ် ညွန်ကြားထားသည်။
ကိုယ်စားလှယ်လောင်းရွေးချယ်ရာတွင်ပါတီဦးဆောင်မှုခံယူနိုင်မည့်သူ၊ပြည်သူကိုအမှန်တကယ်ကိုယ်စားပြုမည့်သူ၊ထူးချွန်ထက်မြက်သူများရရှိ ကောင်းမွန်သည့်မူများချမှတ်သွားမည်ဟု ကြေညာသည်။
အစည်းအဝေးကို စက်တင်ဘာ ၂၁ ရက်နှင့် ၂၂ ရက်တို့တွင် ကျင်းပသွားမည်ဖြစ်ပြီး ၂၀၂၀ရွေးကောက်ပွဲနှင့်သက်ဆိုင်သည့်အချက်များ ဆွေးနွေးသွားကြမည်ဖြစ်သည်။

Share on facebook
Share on twitter
Share on email

More stories

Latest Issue

Support our independent journalism and get exclusive behind-the-scenes content and analysis

Stay on top of Myanmar current affairs with our Daily Briefing and Media Monitor newsletters.

Sign up for our Frontier Fridays newsletter. It’s a free weekly round-up featuring the most important events shaping Myanmar