ဘန်ကောက်သွားသည့် IndiGo လေယာဉ် လမ်းကြောင်းလွှဲကာ ရန်ကုန်၌ ဆင်းသက်

ခရီးသည် ၁၂၉ ဦး တင်ဆောင်လာပြီး ထိုင်းနိုင်ငံ၊ ဘန်ကောက်မြို့သို့ပျံသန်းလာသည့် အိန္ဒိယနိုင်ငံမှ IndiGo လေယာဉ်သည် လမ်းကြောင်းလွှဲကာ ရန်ကုန်မြို့သို့ ဖေဖော်ဝါရီ ၁၂ ရက်နေ့က ဆင်းသက်ခဲ့သည်။

အိန္ဒိယနိုင်ငံ ဘန်ဂလိုမှ ဘန်ကောက်သို့ ပျံသန်းလာသည့် လေယာဉ်၏ “အင်ဂျင်တစ်လုံးတွင် ဆီဖိအား အချက်ပြမှု” တွေ့ကြုံခဲ့ပြီးနောက် ရန်ကုန်သို့ ဆင်းသက်ခဲ့ခြင်းဖြစ်သည်ဟု IndiGo ၏ ထုတ်ပြန်ချက်ကို ကိုးကားပြီး အိန္ဒိယ ANI သတင်းဌာနက ရေးသားထားသည်။

လေယာဉ်မှာ A320 အမျိုးအစားဖြစ်ပြီး V2500 အင်ဂျင်ကို တပ်ဆင်ထားကာ ရန်ကုန်မြို့သို့ ဘေးကင်းစွာဆင်းသက်ခဲ့သည်ဟု ထုတ်ပြန်ချက်တွင် ဆက်လက်ဖော်ပြထားသည်။

ခရီးသည် ၁၂၉ ဦးအား ဘန်ကောက်မြို့သို့ ဆက်လက်သွားရောက်နိုင်ရေးအတွက် IndiGo က အခြားလေကြောင်းလိုင်းများဖြင့် စီစဉ်ပေးခဲ့ပြီး နေရာထိုင်ခင်းလိုအပ်သူများအတွက်လည်း စီစဉ်ပေးထားသည်ဟု လေကြောင်းလိုင်းက ပြောသည်။

“အင်ဂျင်အား စစ်ဆေးနေဆဲဖြစ်ပြီး လိုအပ်သလို ဆက်လက်ဆောင်ရွက်သွားရန် ဆုံးဖြတ်မည်ဖြစ်သည်” ဟု IndiGo ကပြောသည်။

စရိတ်နည်းလေကြောင်းလိုင်းတစ်ခုဖြစ်သည့် IndiGo သည် ခရီးသည်တင်ဆောင်မှုနှင့် လေယာဉ်အရေအတွက်အရ အိန္ဒိယ၏ အကြီးဆုံးလေကြောင်းလိုင်းဖြစ်ပြီး ပြည်တွင်းဈေးကွက်၏ ၄၁ ရာခိုင်နှုန်းခန့်အား ရယူထားသည်။

Share on facebook
Share on twitter
Share on email

More stories

Latest Issue

Stay on top of Myanmar current affairs with our Daily Briefing and Media Monitor newsletters

Our fortnightly magazine is available in print, digital, or a combination beginning at $80 a year

Sign up for our Frontier Fridays newsletter. It’s a free weekly round-up featuring the most important events shaping Myanmar