ချီလီသမ္မဟောင်း၏ ဒီမိုကရက်တစ် အသွင်ကူးပြောင်းမှုများစာအုပ် မိတ်ဆက်

ရန်ကုန်၊ ဇန်နဝါရီ ၂၀

ချီလီသမ္မတဟောင်း ရီကာဒို လားကိုစ့်သည် ၎င်းရေးသားသည့် ‘ဒီမိုကရက်တစ် အသွင်ကူးပြောင်းမှုများ- ကမ္ဘာ့ခေါင်းဆောင်များနှင့် စကားပြောဆိုခြင်း’ စာအုပ်ကို ရန်ကုန်မြို့တွင် ယနေ့ လာရောက်မိတ်ဆက်ခဲ့သည်။

စာအုပ်ရေးသားသူ ရီကာဒိုလားကိုစ့်သည် ချီလီနိုင်ငံတွင် တစ်ဖက်သတ် အခြေခံဥပဒေဖြင့် အုပ်ချုပ်ရေးပိုင်းတွင် နေရာ အခိုင်အမာ ရယူထားသည့် စစ်တပ်ကို စစ်တန်းလျား ပြန်သွားစေရန် ဆောင်ရွက်ခဲ့သူဖြစ်သည်။

“နိုင်ငံရေးမှာ သင်လုပ်နိုင်သမ ျှ လုပ်ပါ။ နောက်ပြီးတော့ သင့်အနေနဲ့ ဆန္ဒဇောအဟုန်နဲ့ အားသွန်ခွန်စိုက်တော့ လုပ်ရမယ်။ အဲဒီတော့ လူတွေက သင်တောင်းဆိုနေတဲ့အရာကို သင်အမှန်တကယ်ပဲ ယုံကြည်တယ်လို့ မြင်လာကြမယ်” ဟု ရီကာဒို လားကိုစ့်က ပြောကြားသည်။

မြန်မာဘာသာပြန်ဆိုထားသည့် အဆိုပါ စာအုပ်ကို ကလပ်ဒီမက်ဒရစ်နှင့် နိုင်ငံတကာ IDEA အဖွဲ့တို့က ဥရောပသမဂ္ဂ၏ အထောက်အပံ့ဖြင့် ထုတ်ဝေခြင်း ဖြစ်သည်။

“သမ္မတလားကိုစ့် မြန်မာနိုင်ငံကို လာပြီးတော့ သူ့ရဲ့နိုင်ငံကို အကူးအပြောင်းအတွက် ဦးဆောင်ခဲ့တဲ့ အတွေ့အကြုံတွေကို လာပြီးတော့ မ ျှဝေတဲ့အတွက် ကျေးဇူးတင်ပါတယ်။ ဥရောပ သမဂ္ဂကိုယ်တိုင်ကလည်း ပဋ္ဋိပက္ခတွေကြားထဲက ထွက်ပေါ်လာခဲ့တာဖြစ်ပြီး ငြိမ်းချမ်းရေးနဲ့ ဒီမိုကရေစီဆီ သွားနေတဲ့ မြန်မာနိုင်ငံရဲ့ လမ်းကြောင်းကို ကူညီပေးသွားမှာ ဖြစ်ပါတယ်” ဟု ဥရောပသမဂ္ဂ သံအမတ်ကြီး ရိုလန်ကိုဘီးယားက မိတ်ဆက်ပွဲအခမ်းအနားတွင် ပြောကြားသည်။

ဒီမိုကရက်တစ် အသွင်ကူးပြောင်းမှုများ- ကမ္ဘာ့ခေါင်းဆောင်များနှင့် စကားပြောဆိုခြင်း (DemocraticTransitions: Conversations with World Leaders) စာအုပ်တွင် အာဏာရှင်ဆန်သည့် တိုင်းပြည်မှများ ပိုမိုပွင့်လင်းသည့် ဒီမိုကရက်တစ်အဖွဲ့အစည်းအဖြစ်သို့ ခေါင်းဆောင်ဟောင်းများက ပြောင်းလဲခဲ့ကြပုံများကို ဖော်ပြထားသည်။ ယခု မြန်မာဘာသာပြန် စာအုပ်ကို မြန်မာနိုင်ငံ အသွင်အကူးအပြောင်းတွင် အဓိက ပါဝင်ပတ်သက်သူများထံ ဖြန့်ဝေမည်ဖြစ်သလို စိတ်ဝင်စားသူများလည်း တောင်းယူနိုင်မည်ဖြစ်သည်။

သတင်း- ဆန်းဦး