အမျိုးသားရင်ကြားစေ့ရေး မအောင်မြင်သေးမှုအပေါ် မည်သူ့ကိုမှ လက်ညှိုးမထိုးလိုဟု အတိုင်ပင်ခံပြောကြား

ဝမ်းတွင်း၊ သြဂုတ် ၇

ဆယ်စုနှစ်နှစ်ခုကျော် အဖိအနှိပ်ခံ အနှိပ်ကွက်ခံခဲ့ရသော အမျိုးသားဒီမိုကရေစီအဖွဲ့ချုပ်ပါတီ(NLD) အာဏာရ ပြီးနောက်ပိုင်း မူဝါဒချမှတ်ဆောင်ရွက်နေသည့် အမျိုးသားရင်ကြားစေ့ရေလုပ်ငန်းစဉ် အောင်မြင်မှုအပြည့်အဝ မရသေးခြင်းအပေါ် မည်သူ့ကိုမျှ အပြစ်ဆိုရန်မရှိဟု နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားသည်။

“ဘယ်သူ့ကိုမှ လက်ညှိုးထိုးပြီး အပြစ်မချချင်ပါဘူး။ ဘယ်သူ့ကြောင့်လို့ မပြောချင်ပါဘူး။ အားလုံးမှာ တာဝန်ရှိတယ်လို့ ကျွန်မထပ်တလဲလဲပြောပါတယ်”ဟု ဒေါ်အောင်ဆန်းစုကြည်က ဆိုသည်။

သြဂုတ် ၇ ရက်နံနက်ပိုင်းက မိတ္ထီလာခရိုင်၊ ဝမ်းတွင်းမြို့ မြေတိုင်ကန်ကျေးရွာသို့သွားရောက်ကာ ရွာသူရွာသားများနှင့်တွေ့ဆုံပြီးနောက်ပြုလုပ်သော ငြိမ်းချမ်းရေး စကားဝိုင်းအတွင်း ၎င်းက ထိုသို့ပြောကြားလိုက်ခြင်းဖြစ်သည်။

သြဂုတ် ၇ ရက်နံနက်ပိုင်းက မိတ္ထီလာခရိုင်၊ ဝမ်းတွင်းမြို့ မြေတိုင်ကန်ကျေးရွာတွင် ကျင်းပသည့် ငြိမ်းချမ်းရေးစကားဝိုင်းတွင် ဒေါ်အောင်ဆန်းစုကြည်နှင့်အတူ ပါဝင်ဆွေးနွေးကြသူများအား တွေ့ရစဉ်။ ဓာတ်ပုံ- ဉာဏ်လှိုင်လင်း

ကျေးရွာသူ ရွာသား ၈ ယောက်ပါဝင်သည့် အဆိုပါ စကားဝိုင်းအပြီး အွန်လိုင်းမှ တစ်ဆင့် မေးမြန်းလာသည့် မေးခွန်းများထဲမှ အမျိုးသားရင်ကြားစေ့ရေးနှင့်သက်ဆိုင်သော မေးခွန်းတစ်ခုကို ဖြေကြားစဉ် ဒေါ်အောင်ဆန်းစုကြည်က ယင်းသို့ မှတ်ချက်ပြုခြင်းဖြစ်သည်။

14-2.jpg

မေးခွန်းရှင်က “အမျိုးသားပြန်လည်ရင်ကြားစေ့ရေးမူ မအောင်မြင်ရသေးခြင်းမှာ တစ်နိုင်ငံလုံးအပစ်အခတ်ရပ်စဲရေး သဘောတူစာချုပ် (NCA) ကြောင့်လား၊ ၂၀၀၈ ဖွဲ့စည်းပုံအခြေခံဥပဒေကြာင့်လား၊ တပ်မတော်ဖက်က အပြည့်အဝပူးပေါင်းပါဝင်ခြင်းမရှိ၍လား၊ တပ်မတော် အပေါ်လက်နက်ကိုင်တိုင်းရင်းသားတွေယုံကြည်မှုမရှိခြင်းကြောင့်လား၊ လက်နက်ကိုင်ခေါင်းဆောင်များအနေဖြင့် ကိုယ့်အကျိုး စီးပွားကိုချည်း ရှေ့တန်းတင်နေလို့လား” ဟု မေးမြန်းခဲ့ခြင်းဖြစ်သည်။